فروری 2004ء میں حکومتِ پاکستان کی جانب سے بینک کی نج کاری کے وقت سے، محترم سلطان علی الانہ HBL کے بورڈ آف ڈائریکٹرز کے چیئرمین ہیں۔ آغا خان فنڈ برائے اکنامک ڈیولپمنٹ کے ہیڈ فنانشنل سروسز گروپ کی حیثیت سے انھیں پاکستان میں اور بین الاقوامی سطح پر مالیاتی/ بینکاری کے شعبے میں 40 سال کا تجربہ حاصل ہے۔

محترم معیز احمد جمال 2009ء سے HBL کے بورڈ کا حصّہ ہیں۔ اُنھیں مالیاتی شعبے میں 39 سال سے زائد کا تجربہ حاصل ہے۔ وہ ڈائمنڈ ٹرسٹ بینک کینیا اور پنشن فنڈ برائے آغا خان فاؤنڈیشن کے بورڈز میں بھی شامل ہیں۔

ڈاکٹر نجیب سمیع نے 2013ء میں بورڈ میں شمولیت اختیار کی۔ اُنھیں کارپوریٹ اور مالیاتی شعبوں میں 37 سال سے زائد کا تجربہ ہے۔ وہ PIA انویسٹمنٹ لمیٹڈ کے بورڈ کے رُکن اور منیجنگ ڈائریکٹر، روزویلیٹ ہوٹل کارپوریشن N.V کے صدر اور منیجنگ ڈائریکٹر، نیز منہال فرانس S.A، منہال انکارپوریٹڈ، پیریزین مینجمنٹ کمپنی B.V، روز ویلیٹ ہوٹل کارپوریشن LLC، اور آوانت ہوٹلز (پرائیوٹ) لمیٹڈ کے ڈائریکٹر ہیں۔

محترم شفیق دھرمشی 2015ء میں بورڈ میں شامل ہوئے۔ وہ ایک بینکار ہیں جنھیں مشرقِ وسطیٰ اور افریقا میں بینکاری کا 25 سال سے زائد کا تجربہ حاصل ہے۔ وہ ڈائمنڈ ٹرسٹ بینک یوگنڈا، ڈائمنڈ ٹرسٹ بینک کینیا، کرغز انویسٹمنٹ اینڈ کریڈٹ بینک کرغزستان اور فرسٹ مائیکرو فنانس بینک تاجکستان کے بورڈ میں بھی خدمات انجام دے رہے ہیں۔

محترم سلیم رضا نے 2017ء میں بورڈ میں شمولیت اختیار کی۔ وہ بینکاری اور مالیاتی شعبوں میں 40 سال سے زیادہ کا تجربہ رکھتے ہیں۔ وہ پاکستان اور بیرونِ ملک سٹی بینک NA میں مختلف عہدوں پر فائز رہے ہیں جبکہ اسٹیٹ بینک آف پاکستان کے گورنر بھی رہ چکے ہیں۔ وہ کارانداز پاکستان، منزل پاکستان، انڈس ارتھ ٹرسٹ، حبیب یونیورسٹی، لیٹن رحمت اللہ بنیولینٹ ٹرسٹ، پلانٹ این گروپ آف کمپنیز، ناصرہ پبلک اسکول کے بورڈ کا حصّہ ہونے کے ساتھ انسٹیٹیوٹ آف بزنس ایڈمنسٹریشن (IBA)، کراچی میں پولیٹکل اکانومی کے معاون پروفیسر بھی ہیں۔ ​

محترم خلیل احمد مالیاتی شعبے کا 40 سال سے زائد کا تجربہ رکھتے ہیں۔ وہ انٹرنیشنل فنانس کارپوریشن (ورلڈ بینک گروپ) میں چیف انویسٹمنٹ افسر تھے، جہاں اُنھوں نے 30 برسوں تک اُبھرتی ہوئی معیشتوں اور فنانشل مارکیٹوں پر کام کیا۔ محترم خلیل چارٹرڈ اکاؤنٹنٹ ہیں، اُنھوں نے انسٹیٹیوٹ آف چارٹرڈ اکاؤنٹنٹس آف انگلینڈ اینڈ ویلز سے تعلیم حاصل کی، نیز وہ انسٹیٹیوٹ آف چارٹرڈ اکاؤنٹنٹس، پاکستان کے فیلو بھی ہیں۔ اُنھیں ماضی میں پرائس واٹرہاؤس (یوکے) اور نیشنل ڈویلپمنٹ فنانس کارپوریشن، پاکستان میں کام کرنے کا تجربہ بھی ہے۔​

محترمہ صبا انفارمیشن ٹیکنالوجی میں 3 دہائیوں سے زیادہ کا تجربہ رکھتی ہیں جس میں پاکستان میں اور بین الاقوامی سطح پر IBM میں لیڈرشپ عہدوں کا بیس سالہ تجربہ شامل ہے۔ اُنھوں نے انسٹیٹیوٹ آف بزنس ایڈمنسٹریشن (IBA)، کراچی سے MBA کیا، اور IBM سینٹرز، Insead، بوسٹن یونیورسٹی اور چائنا یورپ انٹرنیشنل بزنس اسکول (CEIBS) سے کئی سرٹیفکیٹس اور ٹریننگ حاصل کیں۔ محترمہ صبا نے پاکستان انسٹیٹیوٹ آف کارپوریٹ گورننس سے اپنی ڈائریکٹر سرٹیفکیشن مکمل کی اور اس وقت وہ پیکیجز لمیٹڈ کے بورڈ میں بھی خدمات انجام دے رہی ہیں۔ وہ IBA کے بورڈ آف گورنرز کی رُکن بھی ہیں۔​

جناب محمد ناصر سلیم نے مارچ 2024ء میں HBL کے صدر اور چیف ایگزیکٹیو افسر کا عہدہ سنبھالا۔

ناصر ایک تجربہ کار بینکر ہیں جو بین الاقوامی اور ڈومیسٹک بینکنگ میں 36 سال کا تجربہ رکھتے ہیں۔ انھوں نے امریکا، ابوظہبی، اور پاکستان میں امیریکن ایکسپریس بینک، سٹی گروپ، اور ابوظہبی اسلامک بینک جیسے اداروں کے ساتھ کام کیا ہے

وہ 2017ء سے HBL سے وابستہ ہیں۔ ناصر نے ہیڈ گلوبل آپریشنز کی حیثیت سے HBL میں شمولیت اختیار کی اور اُن کی کامیابیوں اور قابلیت کی بنیاد پر انھیں ہیڈ برانچ بینکنگ و اسلامک بینکنگ کے عہدے پر ترقی دی گئی۔ صدر اور چیف ایگزیکٹیو افسر کی ذمہ داری سنبھالنے سے پہلے وہ HBL کے چیف آپریٹنگ افسر کی حیثیت سے ذمہ داریاں نبھا رہے تھے۔

ناصر سینٹرل ڈپازٹری کمپنی آف پاکستان لمیٹڈ میں ڈائریکٹر اور HBL کرنسی ایکسچینج میں بورڈ کے چیئرمین جیسے نمایاں عہدوں پر بھی فائز رہ چکے ہیں، جس سے پاکستان کی مالیاتی صنعت کی بہتری کے لیے ان کے عزم کا اظہار ہوتا ہے۔

ناصر نے انسٹیٹیوٹ آف بزنس ایڈمنسٹریشن (IBA) کراچی سے فنانس میں MBA کیا ہے اور اپنی شاندار تعلیمی کارکردگی پر فنانس گولڈ میڈل حاصل کیا ہے۔ وہ انسٹیٹیوٹ آف بینکرز پاکستان (IBP) کے fellow بھی ہیں۔